...the aftermath...

so de ting done. done done done. ppl wipe de road wid dey bumsee- and well like deyself on de road. an everyone had a good safe time...daize de bes part....too bad ah wasnt a part o it- AGAIN.
long story short; a fren feel sorry fuh meh, geh meh een IP, hook meh up with accomodation een tong- and i end up wrking. STEUPS. if nutten else- da one is ah sign!

ah blue vex about it- but, so it go. ah gettin rel pics and ting and ppl tellin meh about de good time dey had on de road. ah hear that IP had stale food AGAIN and that ppl had tuh run dong pee pee truck and ting...but all dat is ah part ah it.

next year ah doin de ting right. one: ah not goin an depend on noone tuh do nutten fuh meh where dis mas ting is concerned. if ah want it do right- ah doin it mehself. two: ah starting early and ah makin up meh mind fuh mehself. and tree: AH DOING SHYT FUH MEHSELF! allyuh see a trend developing here...? right.

so, sen meh allyuh comments and ting nah? tell meh how de season was for allyuh. wha yuh do? wha is yuh complaints? :-) all ah dat in it.

cheers peeps. ah een-side.